خــلــي كلبـــك وياها ** وأعـــــرف شنهي معناها | خادم العتره الطاهره عبد الجليل المالكي

خــلــي كلبـــك وياها ** وأعـــــرف شنهي معناها
صدك فـاطمه الزهره ** تـــخــــسر كون تنساها
-------------------------------------------------
1= لا توكف بخور بسوك ياهو اليعبر أيشمك
أسمك ســيد الأســـماء خادم فاطمه أسمك
لا تسمع كلام الغــــير خلك محـترك دمك
عندك ضلع طك بالباب غـير الضلع شيهمك
---------------------------------------------------
مالك شغــل باليحجي ** ألبس أســــود وأبــجي
ثابت أجرك ومحسوب ** صول وبالحرب تــلجي
*************
2= صدك ركبت الفانوس يذبحـها النسيم الهاب
وأنت مرايتــك زهراء مانازل عليها تراب
من تدخل البيتك كون أبجي شـما تسد الباب
عيش بمعركة الأحزان لاتــنزع أبـد الأنكاب
----------------------------------------------------
هـــوه المحتـرك كلبه ** يــــمشي لو جمر دربه
بس ناديـــها يازهراء ** وربك تســــهل الصعبه

3= أوصيك بغـرفــتك روح عالحيطان دك صوره
صوره وبيها دفعة باب والأضـلاع مكسوره
وأكتب فــــوكها عنوان هاي الزهره معصوره
ومن تبجـــيلها بالليل أتطيح الدمعه مأجـوره
---------------------------------------------------
عـيش الهجمه ورسمها ** تسمع مــن تـــكلمها
دمعاتك تـــصير أضماد ** وتــــشد كسر يالمها
***********
4= خــبرها أريــد أرضــيج ومن ترضيها تـتـعـله
كلها شغـــلي بس وياج بغــيرج ماأللي شغله
واضح درب اليحـبون دربك كــــون تـــندله
بديوان المجالس صير نار ودمعـــــك الدله
-------------------------------------------------
نزل دموعـــك بخـدك ** عــشيره كـــون متـردك
لاتـــترك عـزها بيوم ** لو واكف تضل وحدك




5= أنــت بدنية الــبس جيب أدخــل ديـــرة أنطوني
كلهم يا أهـــل ياسيـــن يمكم رايد أخذوني
أذا ماكو مكان هــــــناك يم الباب وكفوني
أخدم للصبح ما أريد ساعه أتغمض عيوني
----------------------------------------------------
عـبدكم يابعــد روحي ** هــــواكم بلسم جروحي
أقسم بالخيم وحسين ** مــــــاساعه بطل نوحي
*************
الخادم عبد الجليل المالكي