تاركـني غـيمه بصحره ** ياخـــويه يابــو الزهره | خادم العتره الطاهره عبد الجليل المالكي

تاركـني غـيمه بصحره ** ياخـــويه يابــو الزهره
شيكول حيدر من يسألونه
هم قبله واحد دافن عيونه
**********
1= غالي أنه بوجودك جنت وبفركتك مو غـالي
تبرالي من أمشي أمس واليوم ما تبرالي
من دمك ولحمك صرت وأنته الأبو العيالي
يالمصطفى من غــمضت ماتت جميع أمالي
-------------------------------------------
يالكلت دمك دمـــي ** تاركني وحدي بهمي
بعدك وصيك ما يرحمونه
هم قـبله واحد دافن عيونه
***********
2= يالسافرت عــمر الحطب حده الحلك تنوره
والريح لو عـــالي تهب أكبر أشراع أدوره
هالباب باجر يحترك اليوميه جنت تزوره
وضلوع التحـبها صدك باجر تره مكسوره
---------------------------------------------
يحرموني من فاطمتي ** وما تـــنــــــتهي فاتحتي
كسرة ضلع كلبي يكسرونه

3= بياصدر صدرك لو مشه يرتاح فوكه حسيني
جا وين أبوي المصطفى ينشـــــدني ويبجيني
لو نام كوه أمن التعب أنه شــيغمض عيني
وأسمع مناشغ فاطــــــمه يم والدي وديني
---------------------------------------------
كبرك تريد تــزوره ** أم الحسن مقهـوره
أهل المدينه أنون يسمعونه
هم قـبله واحد دافن عيونه
*************
4= تسعين يوم أم الحسن تــعيش أوراك تسافر
وسيف اليصوب هامتي ماغاب عـدهم حاضر
من بعد مايطبر علي أيصنعون منه الحافر
وجني أشوف أم الخدر للـــــشام ترحل باجر
------------------------------------------
رحلتها كلش صعبه ** حرمه وسبوها الغربه
ويلي ومتنها أسود يكلبونه
هم قـبله واحد دافن عيونه




5= زينب المايوم أبخلت بحجايه حلــوه وياها
من بيتها الضهر الهزل ويلي الزمن مشاها
عباسها أيضل عــــــالنهر فكد الكمر بجاها
محد عرفها أتغــــيرت رماد الخيم غطاها
-----------------------------------------------
عافت أهلها بدمها ** ورثت مصايب أمها
وتصيح أهلنه وين ما جونه
هم قــبله واحد دافـن عيونه
*************
الخادم عبد الجليل المالكي