أباب الساعات - طالت ساعات - وكفتـنه وزغـــار | خادم العتره الطاهره عبد الجليل المالكي
أباب الساعات - طالت ساعات - وكفتـنه
وزغـــار كبار - ترمـينه حجار - وأذتــنه
خلصنه الوكفه مدنكات -- مابين الناس الشمات
-----------------------------------------------------------------
1= من تــنكع أردناك دمع وتـنشـف ترد ردانك
معناها بعيونك حجي والهضـــم كض أللسانك
نيشان بيك ومستحه تحـــاول تضم نيشانك
شتسد أذا بيده الحزن فاتحها كـــل بيبانك
-----------------------------------------------
ضهرك مصيوب - وتحس مغلوب - وحداني
حرموك الـــماي - وعـداك هواي - وتــعاني
تــفــركهن حيل الــراحات -- مـــابين الــــناس الشمات
2= بالـــشام ما باقي حجر ما طاح فــوك العــيله
وجفوفــنه تـــنكط دمه من نار ذيــــج الليله
أزغـــــر أبنيه شيبت عــــدنه ودمعها تسيله
برسومها رماد العطش وماعـــــدها أيد تشيله
-------------------------------------------------------
يابويه تصيح -- ويدفها الريح -- نعسانه
التحركه النار -- مابـــي يندار -- تعـبانه
مابينه نـــشد الجويات -- مابيــــن الناس الشمات
**************
3= لا نـكـدر أنطب للقصر صار زدحام أعـلينه
حته اليفــوت بلا شغل أيرد بحجر يرمينه
بس بالعبي الكلها ترب أمن الوادم تغــطينه
صرنه حدرها نستحي وريحــت حرك شمينه
-----------------------------------------------------
بالغــــربه هناك -- محد يــلكاك -- ضلينه
بكيف الــسلاب -- ماعـدنا حباب -- تـلكينه
ياوكت الشده المافات ** مابين الناس الشمات
4= هناك الغـريــب الماله أهــل بالشام ينباك أسمه
وينطش عله عيون الخلك طوله وحياته ورسمه
أتمنينه كافلنه يرد وما صارت أللنه القسمه
عالشاطي طاح ومستحي طشروا ذيج النــعمه
------------------------------------------------------
ألمنه يرجفون -- أعلينه يهوسون -- نسمعهم
وكحين عيون -- منه يكــــربون -- نمنـــعهم
مانحجي وتـــطلع ونات ** مابيــــن الناس الشمات
************
5= أحنه العـشيرتـنه كضت حدر الحوافـر كــلها
حالتــــنه لو حي الكمر عــباس ما يقبلها
أيدي ألامس بيد الكمر صار الحبل يوصلها
ومن الهزيله للأسف كــــوه الشمر نزلها
-------------------------------------------------------
وين العباس -- تجرح الاحساس -- باللسانه
مايرجع مات -- شفت الشـــمات -- فــرحانه
مانملك غير الدمعات ** مابين الناس الشمات
************
الخادم عبد الجليل المالكي
