وأنه أعله هالحال بجـــفوفــي الغلال دمعي أيهمل | خادم العتره الطاهره عبد الجليل المالكي

وأنه أعله هالحال بجـــفوفــي الغلال دمعي أيهمل
تــمنيــــتـك وياي وبجـــودك الـماي يابا الفــضل
------------------------------------------
1= جفـني ياعـباس الطـيوفك فـرشته ** وحشه سجني وتاكل بروحي وحشته
بين سجان وسجن هالعـمر عـشته ** والسمه شـيفــيد لـــــو طاحت نجمته
------------------------------------------
بــنار الــمواعــيد شمعاتي شــتــفــيد لاوين أضل
تــــمنيــتك وياي وبجودك الــــماي يابا الفضل
***************
2= ودي تلـفي وتـنـثر دموعـك بديه ** شجم سبي شفته بحياتي وغاضريه
مو بعـيده كربله أمن الكاضميه ** روحي غابت بالسجـــن غـيبة مسيه
-----------------------------------------
من ثـكل القيود جفوفي غدت سود جسمي نحل
تمنيـتك وياي وبجــــودك الـماي يابا الفضل
***************
3= شكد تمنـيتك تـجـــي بــيدك جربتك ** وعله شباج الســـجون أتشد مهرتك
أمن الشريعه ترجع بلهفه نتضرتك ** سنين ماشفت الفرح سرني بنضرتك
-------------------------------------------
وافــيني بالحــال عــاودلي خــــيال بـــيك الأمل
تمنيـــــتك وياي وبجودك الـــماي يابا الفـضل


4= بسرعه عاود خلي أيدك فوك كلبي ** خلي أنسه الضيم ساعه وأنسه تعـبي
أنه مثل أيتام جدي بسجـــن مسبي ** أمكـــيد وعـــيني عله البيـبان تربي
-----------------------------------------------
جم حرمـــله هنا يهـــتـــــف سجناه وشجم نذل
تمنيـــتك وياي وبجـــــودك الماي يا با الفضل
***************
5 = يلـي تــزرع بالــوفــه طيلـت حـياتك ** ثيابي بادت لفهن ضلوعي بعباتك
حضرني أحلفك بالحضر ساعة وفاتك ** كلبي يابو النخوه عـطشان الفراتك
-------------------------------------------
ضل دمعي سجاب ويخضر عــــتاب عالخد نزل
تمنيــــــتك وياي وبجودك الـــماي يابا الفضل
***************
6= دمعه ضلت بالجفن شايلها سكــته ** والغريب بضلعه جــــمره تبات ونته
رغم كطع جفوفــك وباقي أنته أنته ** عهد أبوك المرتضى مالحضه خـنته
--------------------------------------------
يابو الكرامات عندك علامات صارت مثل
تمنيــتك وياي وبجودك الماي يابا الفضل
*************
خادم العتره الطاهره عبد الجليل المالكي